Urduliz Link Up ekitaldian ez gatoz soilik jolastera: parte hartzera, sortzera eta asteburu osoan zehar esperientzia paregabeak bizitzera gatoz. Jardueren atalak guztien gustuetarako proposamenak biltzen ditu, ezagutza-lehiaketetatik hasi eta sormen digitaleko erronketaraino, LAN gunean parte hartzen dutenentzat bereziki pentsatutako dinamika eta ekitaldi esklusiboak barne.
Jarduera batzuk publiko orokorrari zabalik egongo dira, eta beste batzuk, berriz, laneroentzat bakarrik izango dira. Egitaraua handitzen joango da ekitaldia hurbiltzen den heinean, komunitatearen parte-hartzearen arabera ideia, erronka eta sorpresa berriak gehituz. Hemen jartzen dira jokoan zure talentua, zure adimena eta ondo pasatzeko gogoa.
ZINEMA, MUSIKA ETA KULTURAKO QUIZA
Erakutsi zenbat dakizun gure “quiz show” estiloko lehiaketetan. Galdera azkarrak, kategoria sorpresa, kanporaketa-txandak eta barre ugari bermatuta. Kanporaketa-txanda bat egongo da parte-hartzaile bakoitzarentzat bere gailutik, eta final handia izango da oholtzan. Ez kezkatu laner@ ez bazara, publiko guztiarentzat zabalik egongo diren batzuk ere egongo baitira.
ILUSTRAZIO DIGITAL AZKARRA
Erakutsi zure trebetasuna diseinu digitala eginez, laster jakinaraziko dugun gai batekin. Zure estiloa, gogoko duzun tresna eta irudimena erabil ditzakezu denbora errekorrean pieza bakarra sortzeko. Maila guztientzat irekita.
FAST LABURMETRAIA
Idatzi, grabatu, editatu eta entregatu mini-laburmetrai bat ordu gutxitan. Istorio inprobisatuak, plano ezinezkoak eta talde-sormena guztiz martxan. Zinema-espiritua duten laneroentzat jarduera izarra. Gaia party-n bertan ezagutaraziko da.
ARGAZKI-UKITU LEHIAKETA
Transformatu oinarrizko irudi bat jatorrizko, dibertigarri edo teknikoki ikusgarri bilakatuz. Sormena eta teknika, emaitza zoro zein harrigarriak sortuz. LAN guneko jarduera esklusiboa. Gaia laster ezagutaraziko da.
LAN GUNEKO JARDUERA ESKLUSIBOAK
Lehiaketak, mini-jokoak, sorpresa-probak eta bereziki LAN gunean parte hartzen dutenentzako diseinatutako dinamikak. Parte hartu, puntuaka bildu eta asteburuan zehar sari eta aintzatespenak lortzeko aukera izango duzu.
LINK UP PLAZAKO JARDUERAK
Tailerrak, joko azkarrak, parte-hartze lehiaketak eta publiko guztientzako proposamen sortzaileak. Oso egokia LAN posturik behar izan gabe partyaz gozatzera datozenentzat.
